Diplomlaboraĵoj

La klarigon pri la tipoj de la diplomlaboraĵoj bv. legi ĉi tie.

Reveni al la serĉilo | Ĝustigi la serĉparametrojn

Entute trafoj: 346

	Titolo ↓	Nomo	Jaro	Lando	Lasta redakto
331	Tipologio de kelkaj lingvistikaj fenomenoj en la lingvoj litova, franca kaj Esperanta . En la diplomverko laŭ kompara metodo estas analizitaj elektitaj fenomenoj en la tri menciitaj lingvoj. Oni elstarigas komunajn kaj ankaŭ principe diferencajn trajtojn. Ekzemple, oni vaste analizas semantikajn sencojn de refleksivaj verboj en litova, franca kaj Esperanta lingvoj. Estas analizataj ankaŭ kelkaj aliaj lingvaj formoj. Oni konkludas, ke ĉiujn sencajn nuancojn de litovaj kaj francaj formoj oni povas sukcese esprimi en Esperanto. Resumo de la verko estas en la rusa, franca kaj Esperanto. La bibliografion konsistigas 26 fontoj. Lingvistikaj komparstudoj inter Eo kaj aliaj lingvoj	LAIMIUS, Stražnickas	1981	SU - Sovetunio	2010-11-15 21:20:57
332	Unu jarcento da literaturaj tradukoj de la itala al Esperanto (1890-1990) Studo pri la tradukoj el la itala, ekde la unuaj aperintaj en la unua gramatiko (1890) ĝis ampleksa antologio de la italaj poetoj de la dudeka jarcento, (1990), tra revuoj kaj libroj aperintaj en Italujo kaj en eksterlando, inklluzive de kritika rigardo al iliaj sukcesoj Esperanta literaturo	MINNAJA, Carlo	2006	IT - Italujo	2010-11-20 13:47:47
333	Utileco kaj eblo de la adopto de internacia helpa lingvo en medicino La lingva problemo en internaciaj rilatoj de medicino. La ĝenerala prblemo de internacia lingvo kaj la avantaĝoj de Esperanto. Konkludo: Esperanto taŭgas kiel internacia lingvo por medicinaj temoj. Internacia lingvo kaj medicino	CORRET, Pierre	1908	FR - Francujo	2010-10-10 22:24:45
334	Uzo de la koncepto de lingva bildo de la mondo por Esperanto La laboraĵo celas taksi la eblecon studi Esperanton enkadre de kultura lingvistiko kaj, pli precize, studi la koncepton de la lingva bildo de la mondo enkadre de la teorio kaj praktiko evoluigita en la Etnolingvistika Skolo de Lublino, Pollando. Nuntempa esplorado pri la lingva bildo de la mondo fokusiĝas pri naturaj etnaj lingvoj kaj ĵuse komparaj studoj estis postulataj. La nuna laboraĵo estas provo montri eblajn aplikojn de la teorio al Esperanto samkiel limigojn rezultantajn de tia aliro. Interlingvistiko Lingvistikaj komparstudoj inter Eo kaj aliaj lingvoj	STRIA, Ida	2017	PL - Pollando	2017-10-09 14:13:53
335	Valenta modelo de verbo el kontrasta vidpunkto en la slovaka, la germana kaj en Esperanto La laboraĵo komparas du naturajn lingvojn (la slovakan, la germanan) kaj unu konstruitan lingvon (Esperanton) je morfo-sintaksa nivelo. Ĝi okupiĝas pri problemaro de valento kaj valenta modelo ĝenerale kaj konsideras ankaŭ specifajn trajtojn de la unuopaj lingvoj. Skize estas priskribitaj historio de la nocio valento kaj la plej gravaj valentaj teorioj. Estas analizita valenta modelo de kvin germanaj verboj (machen, nehmen, schenken, geben, arbeiten) laŭ la Valenta vortaro de germanaj verboj (2004) de Helmut Schumacher. Ni skize okupiĝas ankaŭ pri eblaj ŝanĝoj en valenta strukturo de verboj kaj trajtoj de jena problemo kadre de la unuopaj lingvoj. Lingvistikaj komparstudoj inter Eo kaj aliaj lingvoj	NOSKOVÁ, Katarína	2009	SK - Slovakujo	2011-09-05 08:06:42
336	Variado aŭ stabileco en la funkciado de la adverboj en Esperanto? Enunciativa analizo de la marko -e Tiu disertacio rilatas al la adverboj en Esperanto kaj provas malkovri kion povas instrui tiu neordinara lingvo (unue konstruita lingvo, nun vivanta lingvo) pri tiu kategorio pli ĝenerale. La studo aparte fokusiĝas pri la adverba finaĵo -e. Tiu studo ĉefe celas determini ĉu oni povas trovi iun formon de stabileco tra la grandega sintaksa kaj semantika variado kiun oni povas observi. Dank'al tiu observado, ni montras la produktivecon de la adverboj kaj la apartecon de tiu kategorio en Esperanto. Surbaze de la teoria kadro de Antoine Culioli (TOPE), ni priskribas kiel -e funkcias, kaj ni montras ke ĝiaj variaj uzoj dependas de operacio de kvalita lokigo rilata al la situacio de elparolado. Fine, ni pritraktas la ŝajne superflua uzo de la finaĵo -e por vortoj, kiuj estas ĝenerale agnoskitaj kiel primitivaj adverboj. Esperantologio	GUÉRIN, David	2024	FR - Francujo	2024-12-17 00:11:55
337	Verba regado kun prepozicio en Esperanto kaj en ekvivalentaj formoj en la hungara La studo traktas sintagmojn kaj ragadon, Detale ĝi analizas la verban regadon kun multaj ekzemploj kaj alfrontas ilin kun la hungaraj formoj. Ĝi estas bone uzebla valenta vortokolekto. Esperantologio Lingvistikaj komparstudoj inter Eo kaj aliaj lingvoj	BARCSAY, Zsuzsa	1975	HU - Hungarujo	2010-10-21 07:21:13
338	Verba regado kun prepozicio en Esperanto kaj en ekvivalentaj formoj en la hungara La studo traktas sintagmojn kaj regadon. Detale ĝi analizas la verban regadon kun multaj ekzemploj kaj alfrontas ilin kun la hungaraj formoj. Ĝi estas bone uzebla valenta vortkolekto. Esperantologio	BARCSAY, Zsuzsa	1975	HU - Hungarujo	2011-07-22 06:35:45
339	Verkaro kaj literaturaj verkoj de Jean Forge La verkintino celis prezenti la vivon kaj vivoverkon de unu el la plej interesaj kaj originalaj figuroj de Esperantaj literaturo kaj kulturo. Tio nur parte sukcesis. Estas pozitivaĵo, ke la laboraĵo baziĝas unuavice sur la studado de la verkoj, sed el tio sekvas mem la negativaĵo: tre malmultaj analizoj kompletigas la priskrbon de la enhavoj de la unuopaj Forge-verkoj. (IPR 4/1990) Esperanta literaturo	BODNÁR, Éva	1989	HU - Hungarujo	2011-08-01 18:22:06
340	Vivo kaj laborado de Ábel Barabás Historio de Esperanto-Movado	PRUNKL, János	1984	HU - Hungarujo	2011-02-12 11:17:19

← 1 ... 27 28 29 30 31 32 33 34 35 →

Kopirajto © 2001 - 2025 edukado.net. Ĉiuj rajtoj rezervitaj.
Funkciigita de Fondaĵo Edukado.net kunlabore kun E-dukati kaj ESF.