Forumo

La programo miksas la demandojn, mi mem havas neniun enrigardon en tiun parton.
Kompreneble la unuaj cento, dusent demandoj mem estis bazaj, simplaj....kaj kun paso de la tempo, kiam tiuj elĉerpiĝis, ni prenis, kreis, trovis aliajn, malpli konatatajn. Tamen eĉ nun ni metas ankaŭ facilajn demandojn...
La demandojn, kiujn oni bone respondis ne rehavos. La nesciitajn jes, plej post tri monatoj oni rehavos. Kiam la demandoj entute elĉerpiĝos, eble la programo denove remetos la jam luditajn demandojn por ĉiu unuopulo.... mi devas demandi la programsiton pri tio. Do, nature estas, ke tiuj, kiuj jam deloneg ludas havas malpli facilajn demandojn.... La novaj ludantoj aŭ la malmulte ludintoj havas pli da ŝanco el la tuto ricevi ankaŭ facilajn demandojn.

leandro_abrahao skribis:

Mi legis pri la ĉeestaj Risko-ludadoj (ekz. pri tiu okazinta en Poznań), kaj ekrevis okazigi mem similan ludosesion en mia urbo. Estus bonege iam disponi pri RISKO-materialo (presebla ekz. kaj kiu scias, eble iam produktota kiel komercaĵo - ĉu bona ideo? ) per kiu oni povus mem aranĝi ĉeestan ludadon.

Nu, ĉu ankaŭ aliuloj pensis la samon?
Plej amike,
Leandro

Al mi ŝajnas, ke la formato de "risko"-demandoj tute ne taŭgas por ĉeesta konkurso.

Mi jam gvidis plurajn ĉeestajn ludojn kun veraj RISKO-demandoj sed iom modifante la ludregulojn. Samtempe ludis 6 personoj kaj ili respondis laŭvice...... EStis sukceso...kaj post la ludoj multaj aliĝis al RISKO kaj ludas regule.
Necesis pretigi apartan dokumenton en POwerPoint... do, ĝi okaizs ne en la reto. Mi ne planas disdoni mian version...sed kiu ajn povas pretigi por si mem similan aferon.

Saluton geamikoj! Mi skribas hodiaŭ, por danki al Katalin kaj Mogens pro ilia laboro koncerne tiun ĉi ludon. Por mi, ĝi estas bona amuzaĵo, kiu ĉiumatene devojigas miajn pensojn de la kutimaj pezaj zorgoj kaj igas min malstreĉiĝi. Danke al tiu ludo, mi komencas (aŭ kelkfoje finas, laŭ cirkonstancoj) mian ĉiutagan laboron per rideto. Kaj danke al tiu rideto, mi sentas min gajnanta en ĉiu tago kiam mi trovas kelkajn minutojn por ludi. Ĉu ne ĝuste tio estas la ĉefa celo de ajna ludo? Certe, ankaŭ kvizoj estas amuzaj. Se mi volus kvizi, mi povus respondi nur al la unuaj 2 demandoj. Sed mi preferas ludi, ĉar ludo signifas iom da risko, kaj ĝuste tio amuzas min, kelkfoje eĉ igas min gaje ridi, eĉ en periodoj kiam mi sentas min malbonhumora plejparte de la tago. Kelkfoje mi ja konas iun respondon, sed pro hasto mia mano misas la butonon kaj mi malgajnas. Ankaŭ okazas, ke mi malkapablas respondi, premas hazarde iun butonon kaj ĝuste tiam gajnas. Foje mi estis certa ke mi scipovas respondi, sed mispremis butonon… kaj malgraŭ tio mi ja gajnis!! Mi volis atentigi Katalin pri la erareto de la ludo, sed antaŭ ol fari tion, mi tamen kontrolis ĉu mi pravas. Mi malkovris… ke mi malpravis! Mi vane estis tiom certa pri la malo… Mi rakontis tiujn bagatelaĵojn por kundividi kun vi miajn bonajn sentojn pri nia komuna ludo. Amike, Luiza CAROL

Jes, mi volis, volas, volos… kaj elspezis monon jam teknike pretigi la surfacon, tamen la aŭtoro, kiun ankaŭ vi bone konas, de preskaŭ du jaroj ne faras iun ŝanĝon en la programo, kiu ebligus al ni ligi la ludon kaj unuecigi la kontojn ĉe edukado.net kun la kontoj de la ludo.
Mi retiris tiun anoncon por ne ĝeniĝi pro promeso, kies plenumo dependas ne de mi.