Novaĵoj
Kurslanĉo kaj festo sur la Esperanto-Insulo - filmraporto
Kategorio: Edukado; Dato: 2012-01-12 17:25:45
Realiĝis la projekto “Esperanto-Insulo”.
La 11an de januaro okazis la oficiala malfermo de la Kursaro, organizita kadre de la projekto Esperanto-Insulo. Al la tutmonata programo aliĝis 110 personoj el 23 landoj. Iom pli ol la duonon konsistigas 60 ĉinoj, plejparte studentoj, kiuj kun kelkaj mongolaj samkursanoj estas stipendiataj por tage 8 horojn lerni la internacian lingvon dum 4 semajnoj.
La partoprenon de tiuj ĉi junuloj ebligis la volontula laboro kaj subteno de la kvar instruistoj kaj grandnombra partoprenantaro el Eŭropo kaj kelkaj alikontinentaj kursanoj.
La ĉefa kursaro de la komencantoj...
Eŭropa subvencio por instruista trejnkurso - URĜA ALVOKO
Kategorio: Movado; Dato: 2012-01-06 08:14:26
Kosmo Strategio Ltd., esperantista entrepreno kune kun Itala E-Federacio kaj edukado.net, organizas profesian trejnseminarion pri lingvoinstruado, kadre de la venonta Itala Kongreso de Esperanto.
La kurso okazos de la 16a ĝis la 25a de augusto 2012 en la sicilia urbo Mazara del Vallo.
La ĉefgvidanto estos la D-ino Katalin Kováts, redaktoro de www.edukado.net.
Eblas ricevi subtenon de Eŭropa Unio se vi loĝas en EU + Svislando, Norvegio, Islando, Kroatio kaj Turkio! (samkiel okazis por du partoprenantoj en simila seminario dum la UK en...
Argilaj najbaretoj kaj nia familio salutas vin
Kategorio: Edukado; Dato: 2011-12-24 16:07:40
* * * * *
Havu belajn festotagojn, en amo kaj paco.
Rakonto de la santunoj, nia propra 160-peca unika kolekto kaj la historio de tiu ĉi sudfrancia kutimo legeblas en la instrumaterialo
Argilaj najbaretoj de Jeso .
Salutas vin: Katalin, Sylvain kaj Marteno
Rezultoj de la Jubilea Konkurso
Kategorio: Edukado; Dato: 2011-12-22 10:38:03
Mi informas vin pri la rezultoj de la Jubilea konkurso .
Bedaŭrinde alvenis ne tro da konkursaĵoj , sed tio neniel malaltigas la meritojn de tiuj tri personoj, kiuj plej brile, preskaŭ senerare, respondis la demandojn, trovis la stelojn kaj faris kelkajn kontribuaĵojn en retejo.
En la unua loko staras ...
Filmo pri trejnado de Josias Barboza
Kategorio: Movado; Dato: 2011-12-20 11:44:27
Ni informas vin ke en la FILMEJo ni ĵus publikigis resumfilmon pri metodika trejnado, okazinta dum la Tut-Amerika Kongreso de Esperanto (TAKE) en julio 2011 en São Paulo (Brazilo).
La trejnadon gvidis Josias Barboza, nia brazila kolego kaj filmis por edukado.net K. Kováts, (per pruntita filmio).
Barboza prezentis sian instrukompleton: la strukturon, celojn kaj uzmanierojn de la lernolibroj Esperanto por lernejaj klasoj. La kvindeko da ĉeestantaj instruemuloj dum la trejnado rolis foje kiel instruistoj, foje kiel kursanoj kaj tiel mem povis sperti la laboron pri la materialo....
