Gastolibro
La gastolibro celas ke oni ĉi tie esprimu sian opinion pri la paĝaro, sendu bondezirojn ks. Se vi volas havi respondon al iuj demandoj aŭ volas pridiskuti ion, por tiuj celoj bonvolu uzi aŭ la kontakt-formularon aŭ la forumojn.
La retadresoj en la gastolibro estas aŭtomate protektataj kontraŭ spam-robotoj.
Koran gratulon pro la novigita paĝaro. Ni devis iom atendi la pretiĝon, sed des pli ĝojigis la freŝa aranĝo.
Mi ĝis nun nur iom foliumis en la retejo kaj mi jam entuziasmiĝas. Gratulon al la progrramintoj/antoj kaj al Katalin. Verŝajne estas ankoraŭ kelkaj malglataĵoj, sed mi certas, ke ili baldaŭ malaperos.
Mi uzas la programon Ek! por estigi ĉapliterojn. Tajpante la ikson ĉi tie mi rimarkas, ke la tajploko ĉiam resaltas al la komenco de la teksto. Nu, tiajn problemojn spertis ja ĉiuj programistoj... Se mi malŝaltas Ek!-on, la problemo malaperas. Simple!
Mi deziras multegan pluan sukceson al Edukado!
Amike salutas Leo
Ankaŭ ni nepre deziras gratuli Katalin kaj la tutan teamon pro la nova paĝaro. Longan vivon al ĉi-tiu kaj sinceran dankon al vi ĉiuj. Amike.
Nome de la asocio Bondy-Esperanto, mi gratulegas al la teamo de edukado.net kaj deziras longan vivon al tiu mirinda disvastigilo, helpilo, komunikilo...
La nova portalo estas nekomparebla montrofenestro por nia lingvo.
La esperanta komunumo, kaj ĉefe la instruista rondo, fieras povi montri al la tuta mondo tiun ĉi modernan retejon, profesie fasonitan kaj kompetente redaktitan, kiu prilaboras epokofaran edukan projekton, nome Reta Instruista Trejnkurso.
Gratulon al la teamo de edukado.net pro tiu kvalita saltego cele adaptiĝi al la interreta erao.
Dankon pro viaj laboroj,nova retpaĝo estas bona kaj bela,mi tre ŝatas ĝin.
Kara Profesorino Katalin,
Mi elkore gratulas al vi pro via mirinda laboro!
Via retpaĝo estas belega kaj nepre vizitinda ! :)
Dio vin benu!
Kun emocio ni komencas uzi la novan edukado.net. Chi-matene ni sendis al Katalin bondezirojn al la novnaskito, ni imagas la tutan familion Kovats kaj Lelarge kun Martin tostante pro naskigho de edukado.net kaj pro la naskighdatreveno de Martin. Longan vivon al ili! "Sto lat!" Gratulon kaj dankegon pro la persistemo de Katalin kaj de la tuta teamo!
Arlette kaj Edmond PLUTNIAK
Gratulon al la tuta teamo de Edukado.net ! Via nova ttt-ejo tre plaĉas al mi.
Mi tutkore deziras sukceson al vi !!!
Plej amikan saluton el Francio!
Imagu mian malfeliĉon, kiam mi dum du tagoj ne povis uzi la paĝaron por miaj instruaj celoj. Sed nun mi estas pozitive ŝokita pri nova aspekto kaj nova strukturo de edukado.net. Mi nur povas supozi, kiom da fortoj kaj energio la edukado-teamo bezonis por krei tion.
Mi tutkore deziras al ĉiuj kunlaborantoj plian energion por evolui la retejon, kiu nun estas unika en Esperantujo.
