Gastolibro

Kara edukado-teamo, koran dankon por la nova paĝaro! Ĝi ege plaĉas al mi.

Plej sincerajn gratulojn pro la naskiĝo de la nova paĝaro ! Mi iom trafoliumis ĝin kaj jam komprenis ke mi pasigos bonan parton de mia tempo sorbante ĝian enhavon. Tre bela kaj superrigardebla ĝi aspektas, tre freŝa ankaŭ. Admirinda provo de persistemo kaj perspektivo. Mi deziras al Katalin grandan apogon kaj kunlaboremon de la esperanta komunumo. Akrocefalo.

Saluton! Ekde hieraŭ mi estas la 2103a membro de tiu ĉi bela komunumo. Mi vere ne havas aĝon de lernanteto, tamen havas la saman entuziasmon kaj..., kiel oni diras en Italujo, "la ekzamenoj neniam finiĝas!" Bondezirojn al ĉiuj, Fortikaĵulo (Irnerio)

Feliĉan naskiĝtagon, edukado.net!!!! (Kaj ankaŭ al Katalin! ;)) Kaj feliĉan baldaŭan renaskiĝon!!!! ;o)

Kara Katalin kaj ĉiuj kunlaborantoj de edukado.net! Mi elkore gratulas al vi okaze de la 8-jariĝo de la paĝaro kaj deziras ĉion bonan por la sekvaj jaroj! Amike: Edit Slezákné Tar el Hungario

Ni deziras informi ĉiujn, ke la "koresponda-servo" ege valoras kaj efikas. Ni aperigis korespondan peton por NovKaledonia Esperanto-Asocio por ke la lernantaro en nia lando povu ekkorespondi tutmonde en Esperanto, kaj trovi geamikojn ĉie. Post nur 3 tagoj, ni devis forigi la anoncon pro multe pli da amikaj respondoj ol ni atendis kaj bezonis. Ni ricevis respondojn el Ĉinio, Pollando, Afriko, Francio, Hungario. Elkoran dankon al ĉiuj respondintoj, kaj por tiuj, kiuj hezitas trovi korespondamikojn per la tiea koresponda servo, ni simple diras : Ne hezitu plu, vi ja trovos kion vi bezonas, kaj multe pli. Dankon ankaŭ al la teamo de Edukado.net pro la valora laboro. Amike el NovKaledonio.

gratulon kaj dankon al la lernu-kolektivo. Daurigu! Via reta oferto estas kiel lingv vardomo.

Fininte la organizadon de Esperantokurso, mi pensis pri divido de miaj spertoj kaj pensoj en taŭga formo kaj venis al la konkludo, ke tio povas esti interesa trans la limoj de Berlino. Mi komencis verki manlibron, kiun eblas publikigi poste en la interreto kaj ankaŭ papere por plialtigi la sukceson de aliaj kursestroj kaj eviti, ke eraroj faratas duoble. La dokumenton vi povas vidi je
http://docs.google.com/Doc?id=dc5b2pmn_22gw686mhh
Se vi volas kunlabori ekzistas almenaŭ du eblecoj:
1) Simpla helpo per verkado de teksto, kie jam estas iu subĉapitro. Elpensu ion laŭ la titolo. (Se mi ne konsentas, ni diskutos.)
2) Aldoni enhavon: Se vi kredas, ke io mankas - kio tre bone eblas - aldonu ĝin kaj ekverku.
Konkrete mi bezonas homon, kiu jam instruis per rekta metodo kaj povas priskribi siajn spertojn. Ankaŭ priskribo de novaj instrumetodoj kun avantaĝoj kaj malavantaĝoj taŭgas.
En ambaŭ kazoj kontaktu min rekte por ricevi la necesajn rajtojn.
Esperante je helpo de la komunumo por la bono de la Esperantojunularo :)

Kara Katalin! Mi elkore gratulas Vin kaj ĉiujn Viajn kunlaborantojn okaze de la aliĝo de la 1800-a membro!!!! (Intertempe mi vidas, ke jam aliĝis eĉ la 1810-a!!) BONEGE!!
Amike: Edit

Okaze de la nova jaro, mi volas sendi al Katalin kaj al ĉiuj kunlaborantoj miajn plej sincerajn bondezirojn por la nova jaro. Edukado.net daŭre konvinku instruistojn plulabori por prepari novajn esperantistojn kiuj volas lukti por la "afero".
Koran dankon pro la multaj lerniloj kiuj ĉiam denove helpas instruistojn je ilia laboro.
Ivo Schenkel