Gastolibro
La gastolibro celas ke oni ĉi tie esprimu sian opinion pri la paĝaro, sendu bondezirojn ks. Se vi volas havi respondon al iuj demandoj aŭ volas pridiskuti ion, por tiuj celoj bonvolu uzi aŭ la kontakt-formularon aŭ la forumojn.
La retadresoj en la gastolibro estas aŭtomate protektataj kontraŭ spam-robotoj.
En la komenco de tiu jaro 2006 denove koran dankon al Katalin kaj al ĉiuj kunlaborantoj pro tiu retpaĝaro, kiu ebligas efikan, interesan, motivigan kaj varian instruadon de Esperanto. Ĝi estas unika, senpaga, altvalora ilo por ĉiu Esperanto-instruisto. La lerniloteko estas vera trezorkesto. Ĉiu ero de la Monda Mozaiko estas (pli ol) kompleta leciono kun sonmaterialo, tekstoj, ekzercoj, ... La katalogo enhavas recenzoj pri tiom da libroj, ke estas malfacile tralegi ĉion. Tial mi multe ŝatas la plej novan paĝeron: la "surprizo" prezentas ĉiutage unu el la libroj de la katalogo!
Ke 2006 alportu multajn novajn erojn, kunlaborantojn kaj uzantojn al edukado.net!
Amike, Bea
Dankon al la redaktorino pro la bonege funkcianta retejo. Ĝi enhavas utilan informon por lerneja esperanto-kurso. Dank'al www.edukado.net miaj gelernantoj trovis eblojn kunlabori kun lernejoj de aliaj landoj (au nin trovis aliaj lernejoj:-), partopreni internaciajn konkursojn de infanaj desegnaĵoj ktp. Nun ni preparas projekton Socrates Comenius 1.1 AKEL (alternativa komunikado inter Europaj lernejoj pere de esperanto). La internacia projekto estas evento por niaj vilaĝaj infanoj! Ankau lerneja estraro tial bone rilatas nian fakan agadon. Jam fariĝis kutimo, ke duonon de nia okupo ni pasigas en komputila klaso por korespondi. La adresojn de korespondemuloj ni trovas en via Koresponda servo, ankau mem ekuzis ĝin. Korespondado kun eksterlandaj samideanoj estas efika praktika uzo de la internacia lingvo esperanto.
Mi volas atentigi vin pri la nova japana "drogo" SUDOKU (sudokuo) Estas tre bona kiam oni instruas la kalkuladon 1 ĝis 9 por komencantoj. Ankau estas bone ripeti la finan solvon dirante kvincentdekdu, kvarcentnaudekok,sepcenttridekses ktp.
Inga J
Gratulojn kaj salutojn al Katalin Kovats pro la bonege farita paĝaro. Mi tre ŝatas ĝin, precipe la rubrikoj Lerniloteko kaj Monda Mozaiko.
Saluton kaj gratulon pro la nova paĝaro. Ĝi bone aspektas kaj flue funkcias.
Bonega laboro! Gratulojn al Katalin kaj teamo pro la eleganta (krom la brikkoloro kiun mi anstataŭigus per iom blua nuanco) kaj celtrafa atingo. Ĝi vere allogas al uzado/kunlaborado
Gratulon pro la nova paĝaro! Ĝi estas iom tre ruĝa sed TRE plaĉis al mi.
777, bela nombro de membroj. Mi esperas, pli ĝuste mi certas ke ĝi krekos rapide dank'al la laboro por tiel plibonigi tiu retejo.Dankon al Katalin kaj la tuta teamo.
tutkore salutas Alain.
Mi elkore dankas al ĉiuj kiuj preparis kaj daŭre preparas materialojn ĉe edukado.net. Mi intencas uzi plurajn ekzercojn en mia kurso pri Esperanto por komencantoj.
La Monda Mozaiko estas tre bona ideo!! Ĝi tre plaĉas al mi! Gratulojn!
