Gastolibro

Ne estas la unua fojo ke mi lasas "spuron" de mia vizito, sed mi povas daŭre nur laŭdi tiujn ĉi paĝojn, kiujn mi profite uzas, kaj al kiuj mi ankaŭ kontribuas. Ĝis longe mi trovis ĉion perfekta ĉi tie, sed... Tamen ekde tiu ensaluto per membra numero mi "venas" iom malpli ofte. La ensaluto estas bona ideo, sed tamen mi trovas iom lacige, ke mi devas gardi tiun komputile generitan numeron, ke mi ne povas post la unua ensaluto ŝanĝi ĝin al io pli personala pasvorto, kiun mi povus memori iam ajn, ie ajn mi volus aliri la paĝojn. Nun mi povas aliri ilin nur kiam mi estas hejme, ĉar mi gluis tiun longan numeron sur mian komputilon, sed... Estas vere domaĝe! Se iam iu solvus tion, la paĝoj por mi denove iĝus perfektaj! ;)
Esperegante salutas Ĉiujn, Monika

Kara Katalin: Mi kore dankas ke vi akceptis min kiel membron de la Komunumo. Certe la paĝaro estos tre utila por mi, ĉar ĝi estos granda helpo por instrui Esperanton al miaj lernantoj. Mi ankaŭ deziras gratuli al vi kaj al viaj kunlaborantoj. "Edukado.net" estas ja rekomendinda paĝaro por instruistoj kaj lernantoj. Mi esperas ke vi daŭrigos vian meritindan laboron por la disvastigado kaj instruado de la Internacia Lingvo. Bonvolu akcepti miajn elkorajn salutojn kaj bondezirojn.

Karaj, Efektive, la edukado.net estas nia moderna trezoro (por instruistoj kaj lernantoj)kaj ni zorgu, ke ĝi pligrandixu kaj evoluu lau instru- kaj lernopostuloj. Katalin estas gratulenda pedagogia heroo (heroino sonus iom droge ;-) sed ni ne forgesu, ke la teama laboro estas eĉ pli efika... Klera kaj organizkapabla estrino kun entuziasmaj kaj kompetentaj kunlaborantoj=reva teamo, al kiu ni strebu.

Hodiaŭ surprizis min la multegaj petoj de korespondado. Eblas nun vere interŝanĝi leterojn kun homoj loĝantaj en ĉiuj partoj de nia planedo. Jam tio estas preskaŭ mirakla afero. Gratulojn al ĉiuj prizorgantoj de la koresponda servo. Luigia Oberrauch Madella el Italio

MI tre ĝojas vidante tiom da homoj kiuj interesiĝas pri esperanto. Tio konstatas ke Esperantujo estas marŝante. Krom mi volas gratuli tiujn kiuj laboras, tute senpage, por la tutmonda esperanta movado, ekde iliaj domoj, kuntaktante kun aliaj homoj kaj disvastigante ĉi tiun belegan lingvon. Tiu estas la sola maniero por progresi. Neniam ni devas malkuraĝiĝi antaŭ la malfacilaĵoj. Kuraĝo kaj laboro, Paco kaj Tolereco, Amo kaj Espero, tiuj estas niaj armiloj.
Pepe (Seviljo)

Edukado.net ade progresas. Gratulojn el Pakistano!

Mi ĝenerale trafoliumis edudado.net-n kaj mi sentis ian mankon, malgraŭ tio, ke ĝi estas sufiĉe bona kaj utila por uzantoj de nia lingvo. Evidente, ke niaj redaktanto, efektivigantoj kaj subtenantoj faris sian plejeblon aranĝi ĉi tiun paĝaron por sian legantoj. Ĉu estas pli bela, se en nia metiejo plimultiĝos son- kaj filmmaterialoj?!

Mi volus scii se mi povas aĉeti komercaĵojn iuloke kiel transgruaĵoj, insignoj aŭ pingloj kun la verda stelo en si. Bonvole retskribu min.

Mi certe pli kaj pli uzos tiajn utilajn kaj interesajn e-o ilojn, kiujn ankoraŭ mi ne vere konas. Mi nur bedaŭras ke mi ne antaŭe vizitis tiujn paĝojn. Kaj, aldone, mi ŝatas ke ĉi-tie oni povas korekti aŭ modifi sian komenton, diference je aliaj lokoj.

Utila paĝaro. Min interesis fari la antaŭtestajn ekzercojn por la ILEI ekzamenoj, kaj ankaŭ la specimenojn de ili.