Gastolibro

Kara Petro, Mi dankas vin pro la demandoj.

1) Unue mi diru, ke mi tre ĝojas, ke vi uzas la materialojn de la LERNILOTEKO kaj vidas, ke tio ŝparas al vi tempon kaj energion. Ĝuste tio estis unu el la ĉefaj celoj kiam ni kreis tiun kolekton de ekzercoj. Jes, vi rajtas tion fari, la materialoj estas senpage elŝuteblaj, multobligeblaj, sed ni petas vin kaj ĉiujn uzantojn gardi ilin en la originala formato kaj nepre konservi ĉe kopiado la fonton (edukado.net) kaj la nomon de la aŭtoro.
Mi skribis, ke estas senpage. Iel vi tamen povas rekompensi nian laboron, nome: post la elŝutado aŭ post la uzo bv. esprimi vian opinion, viajn rimarkojn kaj spertojn pri la materialo. Tio kaj instigus nin plu krei similaĵojn, kaj helpus informi la aliajn uzontojn.

2) Alia via rimarko rilatas al la uzo de "h" kaj neuzo de "x"-oj. Niaj kaj multaj aliaj komputilaj programoj estas kreitaj tiel, ke la literkombinojn kun "x"-oj ili transformas je ĉapelitaj literoj. Tia estas ankaŭ nia programo. Do, ĉar vi ne uzis "x"-ojn, viaj literoj restos sen ĉapelaj kaj mi eĉ lasas ilin tiaj por ke vidiĝu la efiko.
Eĉ se oni havas aliajn preferojn, estas saĝe kaj praktike sekvi la regulojn kiujn diktas la programoj.
Kion oni faras en privataj mesaĝoj, estas ĉies propra decido.

Salutas vin: Katalin Kovats, redaktoro

Gratulojn por krei SUPERBAN retejon entute en Esperanto kaj BONEGE funkciantan. Tia nivelo ne estas facila atingi. Bonega laboro. Mi ĝuis legi la Gastlibrajn komentojn. Mi kredas do ke mi ankaŭ devus aldoni la mian. Estas ĝojo vidi senlacan kaj fidelan laboron por disvastigo de la Internacia Lingvo frukti per tiaj, kiel ĉi tiu retejo, fruktoj. Fruktoj bongustaj kaj facile digesteblaj al ĉiu. Ĝi estas tute kredeble unu el inter la nepraĵoj de nia movado tutmonda. Des pli ke ĝi mankas mallaŭdindajn kaj abomenajn burokratismajn sintenojn. Tio ĉi certe helpos la movadon en tuta la mondo evolui kaj disvastiĝi ankoraŭ pli rapide antaŭen spite de la dividigaj malkonsentoj kaj ridindaj internaj bataloj en UEA kaj aliaj oficiaj cirkloj de la, federacia ja en sia karaktero, Esperanto movado. Popola volo ĉiam venkas. Tio ĉi okazas foje ne tre frue sed sendube ĉiam certe.
Gratulojn kaj ĝis iam poste
Zbigniew el Aŭstralio

Gratulojn pro la retejon kaj pro la ago por Esperanto. Mia hejmpaĝo: http://webpages.ull.es/users/aflopez/webconchy/index.htm Mi sugestas la du sekvajn forumojn pri: Grafiko kaj Poezio

Por bonvenigi la Pekinan UK kaj servi al samideanoj diversaj s-ro Amanto faris retejon en Esperanto kaj en la ĉina, en kiu vi povas vidi kaj aŭdi gratulvortojn de la ĉinaj gesamideanoj. Bv.viziti: http://www.amesp.com/esperanto

Saluton. Iom aldone al la mesaĝo n-ro 191. Se la problemo de minuskla nomo "esperanto" estas ne konata, por tio mi kolektis/-as argumentojn sur mia retpaĝo:
Kial ne esperanto?

Jen mia komento: Kun intereso mi legis preskau ĉiujn opiniojn (komentojn).
La plej interesa por mi estas la opinio nro.176 ĉar ĝi tuŝas tre aktualan lingvan problemon, skribi la nomon de la lingvo majuskle. Lasttempe oni komencas skribi ĝin minuskle klarigante, ke en naciaj lingvoj oni skribas ĝin tiel. Jes, tio estas vero sed...ĉiuj aliaj lingvoj havas landojn kaj ĝia nomo estas adjektiva formo de la land-nomo. Esperanto ne havas landon do ĝia formo estas substantiva, do ni devas akcepti ĝin kiel NOMO kaj lau regulo la nomojn oni skribas majuskle.
Mi konstats, ke tiu eraro skribi ĝin minuskle, aperas pro ne bona kono de la lingvo precipe de E-instruantoj, kiuj mem ofte skribas ĝin minuskle, do lernantoj jam dum la kurso lernas erare. Poste venas erara uzo en E-revuoj (ne en ĉiuj sed en kelkaj), komencantoj komencas imiti kaj tiel disvastiĝas erara skribo de nia lingvo.

Mi do apelacias al ĉiuj E-instruantoj, ne faru tiun eraron mem, kaj ankaŭ de diru, ke E-to estas facila lingvo, sed diru, ke ĝi estas LOGIKA lingvo, tiam vi estos pli proksima al vero. Mi ankoraŭ aldonus, ke lernante Esperanton oni samtempe lernas LOGIKE pensi.Tion mi spertis mem kaj ofte observis ĉe aliaj.

Finante mi salutas ĉiujn uzantojn de Gastlibro kaj GRATULAS al prizorgantino dezirante SUKCESOJN al ĉiuj. Mila el Hago.

mi tre aprecas ĉ tiun retejon, precipe ties utlajn paĝarojn. nun en la kolegio, kie mi laboras, bezonaniĝas 2-3 anglalingvaj instruistoj, kiuj povas paroli esperanton. Kaj ili estos asignitaj kiel instruistoj de paroliga kaj auskultiga kursoj. tiuj, kiuj havas intencon iri ĉi tien por instrui, kontaktu min.

Saluton!

Jam delonge mi eskciis pri ĉi tiu paĝaro, kaj de tempo al tempo iom tro fulmorapide rigardis la diversajn erojn. Hodiaŭ dum longa tempo mi traserĉadis, konsultis, provadis ekzercojn ktp: pro kio? Ĉar morgaŭ mi komencos instrui al kursanoj je duagrada nivelo, kaj mi deziris aldoni ion novan al mia kutime uzata instru-materialo. Nu, kion diri? Dankegon, ĉar mi elŝutis, kaj elŝutis, kaj elŝutis novajn ideojn, novajn ekzercilojn, novajn instru-amuzilojn, kio certe igos la lernadon pli interesa kaj entuziasmiga. Gratulojn al Katalin kaj al ĉiuj kunlaborantoj! Certe en estonteco mi plurfoje vizitos ĉi tiun ttt-ejon.

Saluton denove! Mi jam hodiaŭ uzis la materialon de lerniloteko en mia kurso. Mi trovis interesajn taskojn tie. Dankon!