Gastolibro
La gastolibro celas ke oni ĉi tie esprimu sian opinion pri la paĝaro, sendu bondezirojn ks. Se vi volas havi respondon al iuj demandoj aŭ volas pridiskuti ion, por tiuj celoj bonvolu uzi aŭ la kontakt-formularon aŭ la forumojn.
La retadresoj en la gastolibro estas aŭtomate protektataj kontraŭ spam-robotoj.
Saluton!
Jam delonge mi eskciis pri ĉi tiu paĝaro, kaj de tempo al tempo iom tro fulmorapide rigardis la diversajn erojn. Hodiaŭ dum longa tempo mi traserĉadis, konsultis, provadis ekzercojn ktp: pro kio? Ĉar morgaŭ mi komencos instrui al kursanoj je duagrada nivelo, kaj mi deziris aldoni ion novan al mia kutime uzata instru-materialo. Nu, kion diri? Dankegon, ĉar mi elŝutis, kaj elŝutis, kaj elŝutis novajn ideojn, novajn ekzercilojn, novajn instru-amuzilojn, kio certe igos la lernadon pli interesa kaj entuziasmiga. Gratulojn al Katalin kaj al ĉiuj kunlaborantoj! Certe en estonteco mi plurfoje vizitos ĉi tiun ttt-ejon.
Saluton denove! Mi jam hodiaŭ uzis la materialon de lerniloteko en mia kurso. Mi trovis interesajn taskojn tie. Dankon!
Saluton! Mi estas instruanto de esperanto. Mi kredas ke mia membriĝo al ĉi-komunumo estos fruktodona por miaj kursanoj kaj por mi mem!
Admirinda kaj utila paĝo por geinstruistoj. Mi nepre komentos pri ĝi per la havanaj radioelsendoj. Gratulojn! maritza
Salutas kaj gratulas vin nova membro de ILEI por la jaro 2004.
http://www.personal.rdg.ac.uk/~llp02maa/index.htm
Silenta Preĝo (Al S-ro A L L Santos, granda amiko kaj esperanta batalanto).
Se ni ja luktas, se ni batalas
Se ni suferas, se ni sopiras,
Se ni ja revas, se ni ja sonĝas
Kaj se al sonĝon ridante iras...
Se ni revenas, se ni ne timas
Ke al ni alvenos pezaj fosiloj,
Se perlabore ni realigas
Mirindan taskon esti plugiloj...
Se ni klopodas por doni al mondo
Fekundan semon, per paca kanto
Se ni lernigas, se ni ekzemplas
Homaran senton de Esperanto...
Se ni ne lacas farante tion,
Kion ni amas, ĝis nia fin'
Ni ĉiam laboru, fidante Dion
Kaj Dio certe ja benos nin!
Kaj Dio benos, kaj ni laboros
Fidante ĉiam je Granda Reĝo
Kaj ni rimarkos, ke al Reĝ' Okuloj
Laboro estas silenta preĝo!
***************************
Gov. Valadares MG ' Brazilo
Oktobro ' 2.003
Mi tre volas estos en via gastlibro!Mi estas 24-jara fraŭlino kaj se mi estos vian membro mi estos tre dankida!Kaj ankaŭ mi volas korespondado kun pollando esperantistoj! sincere Ia el Tbilisi
Mi estas komencanto de Esperanto kaj angla insruisto,tiu ĉi paĝo plaĉas al mi.Mi esperas ke mi povus havi pli multe da amikoj diverslandaj.
Mi estis gasto ĉifoje por havi ideon pri via paĝo kaj mi trovis ĝin tre interesa. Mi tutkore dankas vin kaj deziras ĉiaman sukcesojn.
