Novaĵoj
HURA! - Ni estas 3000-ope.
Kategorio: Edukado; Dato: 2013-04-26 07:06:31
Mi kun ĝojo informas vin ke ni ĵus (je la 9a horo 50 minutoj laŭ la Universala tempo) ekhavis la 3000-an membron.
Li estas studento, Tobias Rano , el Pollando. Bonvenon, Tobias!
Kiam mi la 6an de aprilo kun 2918 membroj lanĉis la ludon por taksigi al vi tiun momenton mi mem antaŭvidis la daton por junio.
La populareco de la ludo RISKO altigis enorme ne nur la vizitojn de la paĝaro,...
Triafoje kaj ankoraŭ sukcese - raporto el Grésillon
Kategorio: Movado; Dato: 2013-04-24 19:14:18
Depost 2011 kunlaboras ILEI kaj la kulturcentro Grésillon per okazigo ĉiuprintempe de lingvaj kursoj sekvataj de sesio de la KER-ekzamenoj. Mezvoje de la tria realigo ni povas konstati, ke la populareco de la aranĝo konserviĝas – la kastelo tute plenas. Kursoj disvolviĝas trinivele, kun kvin studhoroj tage – tri matene kaj du fruvespere. Ses komencintoj ricevas gvidon de ‘Ŝtonĉjo’ – iuj atingis jam bazan parolkapablon. La mezan nivelon prizorgas Christophe Chazarein, kies dekduo da kursanoj i.a. komune planas idealan E-vilaĝon. La gvidanto de la supera nivelo venas de ILEI: Stefan MacGill; ties 16 kursanoj trastudas la...
Instruista trejnado en Poznan
Kategorio: Movado; Dato: 2013-04-23 17:32:11
INSTRUISTA TREJNADO
en la kunlaboro de la Interlingvistikaj
Studoj de UAM, ILEI kaj Edukado.net
La Interlingvistikaj Studoj de la Universitato Adam Mickiewicz (Poznano, Pollando) kaj ILEI denove kune organizas unujaran instruistan trejnadon, kiu disponigas la bazajn konojn necesajn por instruado de esperanto kaj trejnos la partoprenantojn pri metodiko.
La kursaro necesigas partoprenon dufoje en la surloka intensa semajna sesio ( la unua okazos 14-20.09.2013, la dua 01-07.02.2014) kaj intertempan hejman laboradon, retan...
Libroservo de UEA: 25 % rabato - dum ankoraŭ kelkaj horoj
Kategorio: Movado; Dato: 2013-04-23 13:02:20
Memore al la forpaso de William Shakespeare kaj Miguel de Cervantes la 23an de aprilo 1616, hodiaŭ estas la Monda Tago de la Libro .
Por festi la Tagon, la Libroservo de UEA faras specialan oferton, kiu validas
ĝis la tagmezo (12-a horo) laŭ la Universala Tempo en la posta tago, la 24-an de aprilo.
La rabato estas 25% por ĉio ajn, kion oni mendos antaŭ tiu limhoro.
...
Federico Gobbo gvidos la katedron de Amsterdamo
Kategorio: Movado; Dato: 2013-04-18 23:48:58
La kuratoroj de la katedro Interlingvistiko kaj Esperanto en la Universitato de Amsterdamo rekomendas la italan lingviston Federico Gobbo kiel la novan estron de la katedro. D-ro Gobbo transprenos la taskon de prof. d-ro Wim Jansen, kiu emeritiĝos ĉi-jare kiel speciala profesoro. D-ro Gobbo (1974) estas unu el la plej aktivaj nuntempaj esperantologoj. Li estas i.a. estrarano de Centro de Esploro kaj Dokumentado pri Mondaj Lingvaj Problemoj (CED, la esplora fako de UEA) kaj recenzredaktoro de la revuo Language Problems and Language Planning (Lingvaj Problemoj kaj Lingva Planado).
La...
