Novaĵoj
Ni kore gratulas Mirejon, la esperantiston de la jaro 2014
Kategorio: Edukado; Dato: 2014-12-15 09:06:47
La Ondo de Esperanto en 1998 iniciatis ĉiujaran proklamon de la Esperantisto de la Jaro. Al la projekto aliĝis reprezentantoj de diversaj tendencoj en la Esperanto-komunumo kaj sendependaj kompetentuloj.
Kiel la unua laŭreato en 1998 estis elektita William Auld. En 1999 lin sekvis Keppel Enderby. En 2000 estis distingitaj tri personoj: Hans Bakker, Mauro La Torre kaj Jouko Lindstedt. Poste laŭreatiĝis Osmo Buller (2001), Michel Duc Goninaz (2002), Dafydd ab Iago (2003), Helmar Frank (2004), Povilas Jegorovas (2005), Bertilo Wennergren (2006), Peter Zilvar (2007), Ilona Koutny (2008), Aleksander Korĵenkov (2009), Katalin Kováts (2010),...
Dek ses novaj premiitoj en la Panteono de instruistoj
Kategorio: Edukado; Dato: 2014-12-15 00:00:50
Estas jam la kvina jaro, kiam en la naskiĝdatreveno de edukado.net – kiu estas ankaŭ la Zamenhof-tago – ni enirigas en la Panteonon de instruistoj vivajn, meritplenajn kolegojn por ankaŭ tiel danki ilin pro ilia fervora agado sur la kampo de instruado de Esperanto aŭ pro iumaniera kontribuo al la disvastigo de la lingvo. Ĉi-jare sur nia kandidata listo estas dudeko da kolegoj, sed bedaŭrinde kelkaj el ili ne sendis ĝis la limdato sian vivresumon, sekve ilin ni prezentos al vi en la sekva jaro.
La ĉi-jaraj 16 premiitoj devenas el 11 diversaj landoj, el 3 kontinentoj. ...
Bonvolu vidi kaj aĉeti parton de nia naskiĝtaga abio
Kategorio: Edukado; Dato: 2014-12-12 10:42:04
Okaze de nia 13-jara datreveno ĉi-jare ni lanĉas kampanjon por ebligi al vi iom lude subteni nin kaj kontribui al la funkciigo kaj plua konstruo de nia retejo.
Anstataŭ manĝigi al vi torton, ni nun havas kristnaskan abion, kiun ni vendas en pecetoj.
Ni esperas, ke multaj el vi ŝatus havi eron de nia arbo kaj kontribuos.
Por konvinki vin pri tio, ke valoras helpi nin, ĉi-sube vi trovas telegrafstile kelkajn el la atingaĵoj.
Fine de...
Festparolado ĉe la Pola Ambasadejo de Kopenhago omaĝe al Montevideo
Kategorio: Movado; Dato: 2014-12-10 00:59:01
Okaze de la 60-jara datreveno de la Unesko-rezolucio favora al Esperanto (Montevideo, 10a de decembro 1954),
precize hodiaŭ antaŭ 60 jaroj,
ni publikigas nun la festparoladon de Mogens Rude Andersen, kiun li prezentis en la Pola Ambasadejo en Kopenhago, antaŭ 10 jaroj, okaze de la 50-a datreveno de la sama evento.
La teksto estas en la DOSIERUJO .
La aŭtoro nun, por la membroj de edukado.net, laŭtlegis denove la tekston kaj kune kun Aleksandro Kogan pretigis ankaŭ aldonan vidmaterialon, kiuj kune...
Sukceso en Ĉinio: Esperanto estas deviga lingvo en elementa lernejo
Kategorio: Movado; Dato: 2014-12-08 10:30:29
Letero de Prof. Dr. GONG Xiaofeng ( Arko ), Prez. de Ĉina Ligo de Esperantistaj Instruistoj - Vicprez. de ILEI
Post la partopreno en la 4-a ISOA (ILEI-Seminario en Orienta Azio) en Japanio, en oktobro 2014, S-ro WEI Yubin ( Jado ), estro de Elementa lernejo de Baiyangshu-strato, diskonigis en ĉinaj gazetoj kaj ĵurnaloj pozitivajn novaĵojn pri Esperanto en sia lernejo. Direktoro Jado enkondukis Esperanto-instruadon en sia elementa lernejo kaj Esperanto fariĝis tie deviga studobjekto por la lernantoj. Laboras sub lia gvido 6 junaj...
